Есенгулова Зекен Қабылдақызы – саналы ғұмырын білім беру мен кітапхана ісіне арнаған жан

Есенгулова Зекен Қабылдақызы – саналы ғұмырын білім беру мен кітапхана ісіне арнаған жан. 1964 жылы Торғай облысы, Жангелді ауданы, Көкалат ауылында дүниеге келген. Ы. Алтынсарин атындағы Арқалық педагогикалық институтын математика-физика мамандығы бойынша тәмамдап, алғашқы еңбек жолын мұғалімдік қызметтен бастаған.

​Ұстаздық пен кітапханашылық – оның өмірлік ұстанымы. 2012 жылдан бері Ш. Шаяхметов атындағы Сұлукөл ЖББМ-де еңбек етіп келеді. Ол үшін кітапхана – тек жұмыс орны емес, жас ұрпақтың рухани азық алатын қасиетті мекені. «Бала жүрегі – кішкентай күйсандық. Сол сандықтың кілтін тапқан адам ғана оның ішіндегі қазынаны аша алады» деген қағиданы ұстана отырып, оқушылардың кітапқа деген сүйіспеншілігін арттыруға бар күшін салып келеді.

​Еңбегі елеусіз қалған емес. Республикалық, облыстық, аудандық сайыстарда жүлделі орындарға ие болып, өзінің біліктілігі мен шығармашылығын дәлелдеді. Нағыз еңбек адамы – өз ісіне адал, ұрпаққа өнеге болар тұлға. Есенгулова Зекен Қабылдақызы – дәл сондай жан.