0
от
Категории
Теги
⭐️Өміржан атасынан туған Қаукен әулетінен тараған алты ұл баланың арасынан Сарсенбек және ағасы Қалибектің жанұясы педагогтік қызметке өмірлерін арнаған. Рудный қаласының №7, №14, №15 мектептерінде осы жанұя мүшелері бастауыш сынып, биология, география, тарих, қазақ тілі пәндерінен дәріс береді. Екі ағайындының бір ерекшелігі Сарсенбек пен ағасы Қалибек көркем еңбек пәнінен сабақ береді. «Жігітке жеті өнер де аз» дегендей қолдарынан қазақтың ұлттық аспаптарын, ағаш бұйымдарын шеберлікпен жасай білетін олар, балалары мен шәкірттерін осы өнерге баулып келеді. Жұбайлары Тазагүл мен Сайран да іс тігуде де орындары бөлек.
⭐️Қостанай облысы өңірінде Қаукен әулетінің бес немересі де әр түрлі пәндерден сабақ береді. Барлық жанұя мүшелері де ұстаздық жолында тәжірибе жинақтап, үздіксіз ізденіс пен тынымсыз еңбек етеді. Қоржындары жетістікке толы. Олардан тараған балалары да білім мен спорттық сайыстарда жүлделі орындарға ие.
⭐️Отбасында қалыптасқан дәстүрлер сақталған, олар салт – дәстүрлерді ұстануда жанұя үлкендері отбасылық жиындарда ата – бабамыздан қалған мұсылмандық мереке күндерін дәріптеу, туған күнде сыйлық беру және тойлау, мерейтойлар, алдын-ала жоспарланған сапар, таза ауадағы серуен, отбасылық бюджетті бөлісу, баланы қолдау. Отбасы іші тұрақтылық, сыйластық, жанашырлық қатынастармен ерекшеленеді.
⭐️Омиржанов Сарсенбек Каукенович — Қостанай облысы әкімдігі білім басқармасының «Рудный қаласы білім бөлімінің №7 мектеп-гимназиясы» КММ, көркем еңбек пәнінің мұғалімі. Нәтижелі жұмыстарымен көзге түскен мұғалімдер отбасының отағасы. Көптеген қала, облыс, республика және халықаралық байқаулардың жеңімпазы.
⭐️Омиржанова Сайран Еспаевна (жұбайы) — Қостанай облысы әкімдігі білім басқармасының «Рудный қаласы білім бөлімінің №15 жалпы білім беретін мектебі» КММ, биология пәнінің мұғалімі. 2015 жылы Республикалық «Білім шыңы» төсбелгісінің иегері атанды, 2016 жылы Республикалық «Үздік педагог» атағының иегері, 2019 жылы Республикалық «Көшбасшы педагог» байқауының жеңімпазы.
​⭐️Қыздары Омиржанова Арайлым Сарсенбековна да ата-анасының жолын қуып ұстаздық жолды тандап Әулиекөл ауданы білім бөлімінің «Москалев жалпы білім беретін мектебі» КММ тарих пәнінің мұғалімі болып жұмыс істейді. Еңбек өтілі аз болса да, облыс және аудан көлеміндегі жетістіктері жеткілікті.