0
on
Categories
Tags
Құрметті педагогтер, педагогикалық еңбек ардагерлері!
Сіздерді Ұстаздар күнімен шын жүректен құттықтаймын!
Бұл шын мәнінде ерекше, өте жылы сезімдерді тудыратын жалпыхалықтық мереке. Қаншама жылдар өтсе де, біз ұстаз-тәлімгерлерімізді, олардың құнды кеңестерін, шынайы ниеттерін сүйіспеншілікпен және ризашылықпен еске аламыз.
Балалар дәрігері балаға қол тигізбестен бұрын қолын жылытуы керек, ал мұғалім балаларға сабақ бермес бұрын жанын жылытуы керек дейді екен. Және де ол солай. Өйткені, мұғалім тек мамандық қана емес, ол-маңызды міндет, игі еңбек. Сіздердің, құрметті әріптестер, тәжірибелеріңіз, шыдамдылықтарыңыз, кәсіби даналықтарыңыз студенттерге білім алуға, адамның ең жақсы қасиеттерін оятуға, қабілеттерін ашуға және оларды жетілдіруге көмектеседі.
Сіздер тіпті қолайсыз, қиын жағдайларда да, кейде жеке қажеттіліктер мен мәселелерге кедергі келсе де жұмыс істейсіздер. Мәселен, биылғы көктемде су тасқыны кезінде мұғалімдердің үйіне су кіріп жатса да, олар оқу процесін үзген жоқ, басқа зардап шеккендерге көмек көрсетті. Мұндай істеріне сүйсінбеске болмайды!
Сіздердің кәсібиліктеріңіздің ең жақсы дәлелі, құрметті педагогтер – оқушылар мен студенттердің жоғары жетістіктері. Қостанай автомобиль көлігі колледжінің оқытушылары Николай Болат пен Андрей Степанюкті тағы да құттықтаймын, олардың студенті Данияр Әбікенов WorldSkills-2024 халықаралық чемпионаты медальонының иегері атанды. Сіздерге жаңа жарқын кәсіби жеңістер тілеймін!
Бүгінгі таңда ардагерлерге көп жылдық еңбегі, даналығы мен адалдығы үшін ерекше алғыс сөздер айтылады!
Мереке қарсаңында біздің кәсіподақ бірлестігінің Қазақстан Республикасының оқу-ағарту министрлігімен қалыптасқан серіктестігінің арқасында елу шақты педагогикалық еңбек ардагері «Еңбек ардагері» медалімен марапатталды. Олардың есімдері Қостанай облысының білім беру тарихына алтын әріптермен жазылған.
Құрметті әріптестер, осы жарқын мереке күні әрқайсыларыңызға денсаулық пен ұзақ өмір, жағымды эмоциялар мен кәсіби жетістіктер тілеймін!
Жұмыстарыңыз тек қуаныш әкелсін, ал балаларыңыздың күлкілері мен қуаныштары жолдарыңызда серік болсын!
Мереке құтты болсын! Ұстаздар күні құтты болсын!