2
on
Categories
Tags
Өңірде педагогикалық кадрлардың ұстасы болып саналатын Қостанай жоғары педагогикалық колледжі биыл өзінің 60 жылдығын атап өтуде.
Осы жылдар ішінде колледж қабырғасында отыз мыңнан астам түлек даярланды. Олардың әрқайсысы — мықты білім базасы бар білікті маман ғана емес, сондай-ақ, қазақ даласының тұңғыш мұғалімі Ыбырай Алтынсарин айтқандай «Жаны да жомарт, жауапкершілігі де көп» педагог.
Колледж түлектерінің арасында ғылым докторлары мен кандидаттар, еңбек сіңірген мұғалімдер мен білім беру үздіктері, Құрметті қызметкерлер және «Ы. Алтынсарин» төс белгісінің иегерлері бар. Олардың көпшілігі облыс пен елдің жоғары, орта және мектепке дейінгі оқу орындарында басшылық лауазымдарда қызмет атқарады, ірі инновациялық мектептерде еңбек етеді, ауылдық жерлерде білім саласын көтеруде. Әрине, әркім өзінің альма-матерінің жетістіктерін және осы жылдар бойы колледждің тұрақты табысын, оның өзектілігі мен беделін қамтамасыз еткендердің есімдерін мақтан тұтады.
Бүгінгі таңда Қостанай жоғары педагогикалық колледжі бұрынғы педагогикалық дәстүрлерін сақтап және арттыра отырып, Қазақстанның ең үздік колледждері қатарын сенімді ұстауда.
Колледжге шын жүректен ұзақ өмір, көптеген жарқын және жаңа жетістіктер, жарқын есімдер тілейміз. Ал ұжымға және педагогикалық колледждің даңқты тарихына атсалысқан баршаға зор денсаулық, барлық бастамаларда үлкен жетістік, бақыт тілейміз!