II кезектен тыс съезі

Бүгін, 2024 жылғы 12 желтоқсанда «Өрлеу» білім және ғылым қызметкерлерінің салалық кәсіптік одағы» қоғамдық бірлестігінің (бұдан әрі – Кәсіподақ) II кезектен тыс съезі оnline режимінде өтті.

Съезде кәсіподақ саласын дамытудың өзекті мәселелері қаралды және кәсіподақты одан әрі дамыту үшін маңызды қаулылар қабылданды, оның ішінде кәсіподақтың қаржылық саясаты, сондай-ақ кәсіподақ қызметін дамытудың 2028 жылға дейінгі Стратегиясы мен бағдарламасы бекітілді.

Айта кету керек, бұл құжаттарды дайындау бойынша үлкен жұмыс жүргізілді. Тек біздің жергілікті білім беру кәсіподағымыздан Стратегияның 25-тен астам тармағы, міндеттері, индикаторлары, қызметтің бірқатар негізгі бағыттары бойынша ұсыныстар жолданды. Біздің барлық бастамаларымыз соңғы құжатта көрініс тапты. Стратегия-бұл кәсіподақ жұмысының негізгі басымдықтарына сәйкес келетін қол жеткізуге болатын индикаторлары бар шын мәнінде толыққанды, ойластырылған, жүйелік құжат.

Жоғарыда аталған жаңадан қабылданған стратегиялық құжаттар бойынша түсіндіру жұмыстары кейінірек, оның ішінде әлеуметтік желілер беттерінде жүргізілетін болады.